- Туалты æхсæнад
-
Туалты æхсæнад – ирон æхсæнад централон Ирыстоны: хаудысты йæм Нары, Мамысоны, Зручъы æмæ Захъайы кæмттæ. Æмæ кæмтты нæмттæм гæсгæ дих кодта цыппар сæйраг хайыл – нарæгтæ, мамысойнæгтæ, зрукъæгтæ æмæ захъайæгтыл. Се ‘мбисæй фылдæр сæ фыдæлты Уæлладжыры æхсæнадæй рацæуæгыл нымайынц. Туалты æхсæнады уыдис ахæм социалон къордтæ: тыхджын мыггаг, фæрссаг лæгтæ, кæвдæсæрдтæ æмæ цагъайрæгтæ, туалты æхсæнады алы хъæуы цæрæг адæм, социалон æгъдауæй æмбар нæ уæвгæйæ ма хицæн хъæутæ дæр сæ кæрæдзи æмбар нæ хуыдтой. Иутæ дзы сæхи «уæлдæртыл» нымадтой (Нар), иннæты та «дæлдæртæм» хастой (Мамысон).
Словарь по этнографии и мифологии осетин. 2014.